Friday, October 24, 2008

عزيزى محافظ الجيزه.. ممكن تنزل تشوف رعاياك

عزيزى محافظ الجيزه..تحيه طيبه و بعد
انا سمعت انك اتخضيت لما شفت الهرم الرابع
اسمحلى اعزمك على كوبايه شاى عندنا
و اوريك جبال خامس و تلال تانيه
بصراحه انا فاض بيا
لو سيادتك اتفرجت على الصور حتتخض شويه
لو قلتلك ان الصور دى بقالها شهر و ان الزباله
كل يو بتكبر و عدت ارتفاع دور و خرجت للشارع
و جيت شفت بنفسك حتكتئب
تخيل انى باصحى كل يوم على الزباله
كل يوم أنزل الصبح من بيتنا عشان يقابلنى المنظر ده
كل يوم لازم اول ما اوصل للمكان أشمر ايديا و ارفع هدومى و اكتم نفسى
و اطلع اجرى قبل ما تقف عليا حشره و لا تقابلنى جثه حاجه مرميه
اول مره اشوف أبو قردان بيه بجلاله قدره سايب مملكته و جاى ف هجره من جنينته
و معدى نص شارع الهرم و ترسا

اسمحلى اقولك الشارع مليان عربيات زباله
لكن يافرحتى مفيش حد بيشلها
الا العربجيه لو جم يدوروا على أكل و لا حاجه لقطه
و النتيجه بهدلت الدنيا!

اسمحلى كمان اعزمك تزور محطه المجارى اللى على بعد شارع مننا
و الله الحكومه بتتعب و دخلت مجارى بعد خزانات الصرف تحت البيوت
بس مش معقول نفضل نشم ريحتها طول ما المحطه بتشتغل!

عزيزى محافظ الجيزه بلاش تتقل علينا و تعالى الحقنا و النبى


DSC08167.JPG

DSC08168.JPG

DSC08166.JPG


DSC08174.JPG

DSC08182.JPG

DSC08180.JPG

DSC08178.JPG

DSC08177.JPG

2 comments:

elsha3er said...

عزيزى رئيس الجمهورية ممكن تشوفك فضايحك دة اللى يتقال لان العيب من الكبير


احمد الشاعر

تسـنيم said...

هما هناك في البرج العالي اشعرفهم بينا احنا وبحالنا

وعلى فكرة ده مش حالكم لوحدكم الزبالة في محافظة بورسعيد تهدد بكارثة بيئية بسبب انتشارها في كل مكان وتكاثر الفئران وتواجد يرقات وديدان في كل مكان ولا حياة لمن تنادي


مصر كلها بقت مقلب زبالة